១-បំបាត់រាល់អំពើហឹង្សាក្នុងសង្គម ដើម្បីធានាសន្តិសុខពេញលេញ ជូនប្រជាពលរដ្ឋគ្រប់រូប និងសន្តិភាពពិតប្រាកដជូនប្រទេសជាតិ។
២-ការពារនិងលើកតំកើងសិទ្ធិមនុស្ស ដូចមានចែងដោយអង្គការ សហប្រជាជាតិ ហើយអនុវត្តលទ្ធិប្រជាធិបតេយ្យសេរី ឲបានត្រឹមត្រូវ និងពិតប្រាកដ។
៣-បំបាត់អំពើពុករលួយគ្រប់បែបយ៉ាង ជាពិសេស រៀបចំប្រព័ន្ធតុលាការឡើងវិញ ឲមានភាពស្អាតស្អំ ដើម្បីផ្តល់យុត្តិធម៌ជូនជនរងគ្រោះ។
៤-លើកតំកើងយុត្តិធម៌ ដោយជួយអ្នកក្រីក្រឲមានជីវភាព សមរម្យ និងថ្លៃថ្នូរ តំឡើងប្រាក់ខែជូនអ្នកធ្វើការគ្រប់រូប ហើយជួយប្រជាពលរដ្ឋទាំងអស់ ឲមានលទ្ធភាពស្មីគ្នាក្នុងការកសា អនាគតរបស់ខ្លួនរៀងៗខ្លួន។
៥-ធានាអព្យាក្រឹត្យភាព នៃរដ្ឋបាលសាធារណៈ (គឺអំណាចទូទៅ គ្រប់ជាន់ថ្នាក់) ឲមានភាពឯករាជ្យ ពីរាល់គណបក្សនយោបាយដើម្បីបំរើប្រជារាស្រ្ត ដោយមិនប្រកាន់បក្សពួក។
៦-អនុវត្តកំណែទំរង់ភូមិបាល (គឺការរៀបចំប្រព័ន្ធគ្រប់គ្រងដីធ្លីឡើងវិញ) ដើម្បីការពារសិទ្ធិរបស់ប្រជារាស្រ្ត ហើយចែកចាយដីធ្លី នៅទំនេរ ឬកាន់កាប់ដោយជនពុករលួយ និងឈ្មួញទុច្ចរិត ធ្វើយ៉ាងណាឲប្រជាកសិករគ្រប់រូប មានស្រែចំការធ្វើគ្រប់គ្រាន់ ដើម្បីចិញ្ចឹម ជីវិតហើយធ្វើយ៉ាងណាឲប្រជាពលរដ្ឋគ្រប់គ្រួសារមានទីជំរក សមរម្យ។
៧-ការពារព្រំដែនប្រទេសកម្ពុជា ក្នុងឆន្ទៈមោះមុត ធានាបូរណភាពទឹកដីឲបានពេញលេញ។
៨-ដោះស្រាយបញ្ហាអន្តោប្រវេសន៍ គឺជនបរទេស ដែលមករស់នៅលើទឹកដី ដោយខុសច្បាប់។
៩-បញ្ឈប់ការកាប់បំផ្លាញព្រៃឈើ ហើយការពាររាល់សម្បត្តិធម្មជាតិ (ដូចជាមច្ឆាជាតិ)និងទ្រព្យសម្បត្តិវប្បធម៌ (ដូចជា ប្រាសាទបូរាណ) របស់ប្រទេសជាតិឲបានគង់វង្ស ។
១០-ពិនិត្យឡើងវិញ និងកែតំរូវកិច្ចសន្យា រវាងរាជរដ្ឋាភិបាល និងក្រុមហ៊ុន ឯកជនទាំងឡាយណាដែលមិនស្របច្បាប់ អយុត្តិធម៌ចំពោះប្រជារាស្រ្ត ឬមិនបំរើផលប្រយោជន៍ជាតិ។
Thursday, October 22, 2009
-គោលការណ៍១០ខ របស់គណបក្ស សម រុង្សី
Subscribe to:
Posts (Atom)